តើ Ronaldo បាននិយាយអ្វីខ្លះ ក្រោយចប់ការប្រកួតជាមួយក្លិប Young Boys

អ៊ីតាលី៖ ខ្សែប្រយុទ្ធរបស់ក្រុម Juventus កីឡាករ Cristiano Ronaldo មានការរំភើបយ៉ាងខ្លាំង ដោយសារតែ ក្រុមរបស់គេ អាចឈានទៅវគ្គបន្ត ។ Ronaldo កំពុងរីករាយជាមួយនឹងការប្រកួតក្នុងក្របខ័ណ្ឌ Champions League ហើយជឿជាក់ថា Juventus ត្រៀមខ្លួនជាស្រេចសម្រាប់វគ្គ ១៦ក្រុមចុងក្រោយ បើទោះបីជាពួកគេ បរាជ័យយ៉ាងអាម៉ាស់នៅទឹកដី Young Boys ក៏ដោយ។

តារាវ័យ ៣៣ឆ្នាំរូបនេះ បាននិយាយតាមរយៈ UEFA.com ថា ការប្រកួតប្រជែងដ៏ស្វិតស្វាញនៃក្របខ័ណ្ឌ Champions League ចាប់ផ្តើមហើយ ហើយគាត់ជឿជាក់ថា Juventus ត្រៀមខ្លួនរួចជាស្រេចដើម្បីប្រកួត ជាមួយក្រុមខ្លាំងៗ ។ Ronaldo បានអះអាងថាគាត់ អាចទាត់បញ្ចូលទីបាន ២ទៅ៣គ្រាប់ យ៉ាងងាយស្រួល ប៉ុន្តែនេះ គឺជាបាល់ទាត់យើងត្រូវតែចាប់ផ្តើមផ្តោត ទៅលើការប្រកួតបន្ទាប់ ៕