Morata ចង់ផ្លាស់ទៅលេងក្លឹប យក្សនៅអេស៉្បាញវិញ តែមិនមែន Real Madrid នោះទេ

អេស៉្បាញ៖ ពាក្យចរចាមអារ៉ាមដ៏គួរឲ្យភ្ញាក់ផ្អើលមួយគឺ ខ្សែប្រយុទ្ធ Alvaro Morata របស់ក្លិបChelsea ចង់ផ្ទេរទៅក្លិបBarcelonaក្រោយពីមិនបានបង្ហាញទម្រង់លេងដល់ចំនុចកំពូលនៅអង់គ្លេស ។                            

ខ្សែប្រយុទ្ធវ័យ ២៦ឆ្នាំរូបនេះ កំពុងស្វែងរកការផ្លាស់ប្តូរបរិយាកាស បន្ទាប់ពីមិនអាចចាប់យកកន្លែង ១១នាក់ ដំបូងនៅ Stamford Bridge ក្នុងក្រុមតោខៀវបាន។ 

ក្លិប Barcelona កំពុងត្រូវការខ្សែការពារកណ្តាល និងខ្សែបម្រើមកបន្ថែម ដែលរំពឹងថា នឹងនាំយក De Ligt និង De Jong ។ ជាមួយនេះ ក្លិប ក៏កំពុងស្វែងរកការផ្លាស់ប្តូររយៈពេលយូរសម្រាប់ខ្សែប្រយុទ្ធ មកជំនួសកន្លែង Luis Suarez ហើយ Morata អាចនឹងមានសក្តានុពលក្នុងការបំ​ពេញចន្លោះខ្វះខាតនេះ ។ បើតាមសារព័ត៌មាន RAC1បានឱ្យដឹងថា ខ្សែប្រយុទ្ធរបស់ក្រុមតោខៀវ Chelseaកំពុងមានបំណងផ្លាស់ទៅទីលាន CampNou បន្ទាប់ពីមិនសូវជោគជ័យនៅលីហ្គកំពូលអង់គ្លេស ៕